نور عريضة وابنتها تهاجران من لبنان .. وهذا هو السبب

قالت الفاشينيستا اللبنانية نور عريضة إن السبب الرئيسي لهجرتها من لبنان هو ابنتها، لافتة إلى أنها شعرت بأنها غير آمنة بعد انفجار مرفأ بيروت الذي وقع في 4 أغسطس الماضي، مضيفة أنها اضطرت لترك لبنان رغماً عنها وليس بإرادتها.
وقالت نور عريضة في تصريحات تلفزيونية: "أنا صراحة شغلي بين أوروبا وبين البلاد العربية وتحديدا آخر سنتين بأوروبا.. ومن وقت ما مضيت مع ايليت باريس ايليت مودلز.. كانوا كثير مصريين إنه انقل شغلي على باريس".
وأضافت: "كل شغلي هون بباريس إذا بقعد هون شغلي بيزيد أكيد وجوزي وعيلتي وكلن كانوا يقولولي روحي.. شو بعدك عم تعملي بلبنان أنه ما في شي والحالة مو كانت منيحة وهيك.. بس أنا ما كنت أقدر أنا لإلي بلبنان كل حياتي حتى لهلق".
وتابعت: "يعني فليت من هونيك وبعدا الغصة بقلبي.. مش إنه فالة مبسوطة أو هيك وصلنا لمحل لدرجة أنه صارت أمان بنتي بخطر.. وأنا هيدا الشيء ما بسمح به.. ومن بعد اللي حصل بـ4 آب قررت أني ما عاد إلى مكان هيك وكثير خفت على بنتي".
وأكملت: "بدي أضحي أكيد لأني بعتقد الحياة فيها تضحية وهيدا شيء منو هين أبدا بس إن شاء الله يكون خير كمان يعني قبل كل شيء وقبل شغلي وقبل كل شيء بقول دائما يعني هلى بكل صلواتي دايما لأنه ما بقي فيني نكمل هيك.. ولأنه أنا بدي يكون عندي الاختيار فيني أبقي بباريس وفيني أجي ع لبنان".
وأنهت حديثها: "ما بدي هيد الإحساس إنه اضطريت فل أو انشحطت من بلدي بدي كل شيء يزبط بعدين أنا بدي أقدر أعمل القرار حسب أنا بدي ياه مش يفرض علي".
وكانت الفاشينيستا اللبنانية نور عريضة وثّقت لحظاتها الأخيرة مع ابنتها آيلا في لبنان، بصورة لهما على تطبيق إنستغرام من مطار بيروت بعدما اتخذت العائلة قرارها بالهجرة.
وعلقت نور عريضة على الصورة بعبارة ”بيروت كسرتي قلبنا”، كما ظهرت في فيديو آخر مع آيلا وهي تقول “من ميلة مبسوطة كتير يعني هالفرصة ما بتجي كل يوم للإنسان، بس من ميلة تانية كل حياتي عشتها هون. بصراحة مش عارفة شو بدي حسّ من جوّا”.