بلدة المتين تستضيف مهرجان ترفيهي للاطفال

تا ما تبكي الضحكة بعيون أطفالنا ٠٠٠٠٠
تا ما يموت الأمل بقلوبهن.....
تيرجعوا من جديد (بالرغم من كل الظروف الصعبة اللي عم نعيشا)
يتلاقوا ، يضحكوا، ينطوا بالحقلة، يربوا أصحاب جداد ويتلاقوا بساحة الكنيسة، ويعملوا قبولة نار تيشووا بطاطا سوا.....
ولدت الفكرة........
كانت فكرة وصارت حقيقة .
بدعم من السيدة لينا بارود نظم
نشاط صيفي (مجاني) جمعهن كبار وزغار مليان فرح وموسيقى وترويقة وغدا , رحلات ومشاوير ، كرمس ومعرض وحفلة وسينما .......
كيف؟ بفضل محبة الناس والهمة القوية......
بلدية، ونادي، مستوصف ومكتبة ودفاع مدني ، طلائع وفرسان وشبيبة ، ستات بيوت كبار وزغار بقلب واحد عملوا انجاز كبير......
النشاط قرب عا نهايتو اليوم وبكرا المعرض والاتنين الحفل الختامي....
لبنان بلدنا المجروح انت بقلبنا ما رح نتركك لو شو ما صار ورح يضل نورك مشعشع بكل الكون قد ما يجربوا يشوهوك ورح تبقى وطن الرسالة وطن التعايش من هلق تتخلص الدني